O 12 de xuño os Rebuldeiros
tiveron unha visita moi especial, nin máis nin menos que un experto en abellas!
Esta visita celebrouse debido a que o alumnado de 1º e 2º de Ed. Primaria
estudaron o marabilloso mundo das abellas.
Ampliaron e descubriron, grazas a
Manolo Fernández, un pouco máis sobre estes insectos considerados como os
axentes polinizadores máis relevantes do ecosistema.
Comezaron a visita cunha breve
exposición, contándolle a Manolo o investigado e aprendido para posteriormente
realizarlle algunhas preguntas, como por exemplo: por que decidiu ter colmeas,
cantas ten e onde, canto tempo lle dedica ao coidado das abellas así como por
que as abellas obreiras morren cando pican ou que pasaría se unha abella entra
nunha colmea que non é a súa.
Pero o máis relevante para os
Rebuldeiros foi cando Manolo lles mostrou un panal encerado con mel. Aí os
sentidos dos nosos nenos/as disparáronse!! Puideron tocalo, ulilo e probar o mel.
Sen dúbida, un momentazo! Non eran capaces de parar de comer mel! Menudos
larpeir@s!
Rematando a visita, Manolo
agasalloulles aos nosos Rebuldeir@s unha candea de cera e un tarriño de mel.
Pero non un mel calquera senón o mel gañador do I Premio da Casa do Mel de
Goente do ano 2018.
Dende aquí, agradecer enormemente
a súa visita e agardamos que non sexa a última.
Comentarios
Publicar un comentario